Խորագիրը վարում է Մարինա Էդուարդի Շիշմանյանը՝ «Մեդէստ» էսթետիկ բժշկության կենտրոնի գլխավոր բժիշկ, մաշկաբան-կոսմետոլոգ։
Էսթետիկ գինեկոլոգիան, որը մինչև վերջերս հետաքրքրում էր միայն նեղ մասնագետներին, այսօր վերածվել է կոսմետոլոգիայի ամենաարագ զարգացող ճյուղերից մեկի։ Մի կողմից, սա պատասխան է պացիենտների աճող պահանջներին, ովքեր ավելի ու ավելի են հետաքրքրվում ինտիմ գոտու երիտասարդացման պրոցեդուրաներով, մյուս կողմից՝ էյֆորիա է առաջացած հնարավորություններից և նոր տեխնոլոգիաներից։
Միևնույն ժամանակ, բժիշկ-կոսմետոլոգները և գինեկոլոգները նշում են, որ շատ կանայք նույնիսկ չեն կասկածում իրավիճակը փոխելու, դիսկոմֆորտից ազատվելու և սեռական հարաբերությունների ուրախությունը վերադարձնելու հնարավորության մասին։ Ակնհայտ է, որ բժշկության այսպիսի համոզիչ հնարավորությունների դեպքում ամենաարդիական խնդիրներից մեկն է համարվում մատչելի, մանրամասն և հասկանալի տեղեկատվության պակասը։
Տարիքի հետ կամ որևէ այլ ֆիզիոլոգիական պատճառներով փոխվում են կնոջ սեռական օրգանները և ամբողջ անոգենիտալ շրջանը։
Ամենատարածված խնդիրներն են.
- Մեծ և փոքր շրթունքների ճարպային հյուսվածքի տարիքային ինվոլյուցիան (փոքրացումը)։
- Անոգենիտալ գոտու մաշկի թուլացումը և զգայունության իջեցումը։
- Մաշկի հիպերպիգմենտացիան։
- Վուլվայի մաշկի և հեշտոցի լորձաթաղանթի տարիքային քսերոզը (չորությունը)։
- Տարբեր տեսակի սեռական խանգարումներ։
- Հեշտոցային անցքի մեծացումը։
- Հետծննդաբերական փոփոխությունները՝ պատռվածքների, կոպիտ կարերի հետևանքով։
- Մեզի անմիզապահությունը։
Փորձենք համառոտ քննարկել այս ոլորտում կիրառվող հիմնական մեթոդներն ու տեխնոլոգիաները։
Ինտիմ կոնտուրային պլաստիկա՝ անոգենիտալ գոտու էսթետիկորեն գրավիչ ձևերի ստեղծում և ֆունկցիոնալ թերությունների շտկում, որոնք կապված են օրգանիզմի անհատական առանձնահատկությունների կամ տարիքային փոփոխությունների հետ։ Ինտիմ կորեկցիան իրականացվում է հիալուրոնաթթվի վրա հիմնված պրեպարատներով (ֆիլերներով), որոնք թույլ են տալիս լրացնել փափուկ հյուսվածքների ծավալը։ Առավելություններն անվիճելի են։ Այն, ինչ հնարավոր է անել ինյեկցիոն կոնտուրային պլաստիկայով, բոլորովին անհնար է վիրահատական եղանակով։ Այսպես, վիրահատական ճանապարհով անհնար է լրացնել օրգանի կամ հյուսվածքի ծավալը, միայն իմպլանտացիայով։ Իսկ շրթունքների, ծլիկի, G կետի իմպլանտներ դեռևս չկան։
Ինտիմ գոտիների կոնտուրային պլաստիկան ունի նաև բժշկական ցուցումներ։ Օրինակ, տվյալ պրոցեդուրայի օգնությամբ վերացվում է սեռական ճեղքի բացվածքը՝ բորբոքային հիվանդությունների, այդ թվում՝ բակտերիալ և կանդիդոզային վագինիտների առաջացման նախատրամադրող գործոններից մեկը։
Լազերային երիտասարդացում
Մեթոդի էությունը վուլվայի և հեշտոցի մաշկի և լորձաթաղանթների վրա հատուկ լազերի թիրախային ազդեցությունն է՝ ֆրակցիոն գլխիկով։ Խոշոր շրթունքների և ամբողջ անոգենիտալ գոտու եղջերացած բջիջների շերտ առ շերտ գոլորշիացումը (վապորիզացիա) մաշկին հաղորդում է առաձգականություն, հարթեցնում և ամրացնում է այն, ինչպես նաև հասնում է սպիտակեցման հիանալի էֆեկտի։ Լազերի հեշտոցային ազդեցության արդյունքում հասնում է հեշտոցի պատերի նեղացման և մկանային կառուցվածքների ամրացման, մեզի անմիզապահության սկզբնական փուլերի վերացման, լիբիդոյի և ինտիմ գոտու զգայունության բարձրացման (այս մասին մանրամասն պատմվեց վերևում)։
Թելային տեխնոլոգիաներ
Էսթետիկ գինեկոլոգիայում օգտագործվող հեշտոցային թելերը ստեղծում են կմախք և ձգում միջաձիգ գոտին, լրացուցիչ հենարան ստեղծելով իջած հյուսվածքների համար։
Պլազմոլիֆթինգ
Այս մեթոդիկայում մաշկի երիտասարդացման պրոցեդուրայի «շարժիչը» սովորական թրոմբոցիտներն են, ավելի ճիշտ՝ դրանցում պարունակվող աճի գործոնները, որոնց ազդեցությամբ տեղի է ունենում վնասված հյուսվածքների, այն է՝ միջաձիգի մաշկի և հեշտոցի լորձաթաղանթի վերականգնումը։ Արդյունքում միջաձիգի և սեռական օրգանների մաշկը ոչ միայն ավելի երիտասարդ տեսք ունի, այլև ֆունկցիոնալ գործում է որպես երիտասարդ։
Վուլվայի մաշկի և լորձաթաղանթի բիոռեվիտալիզացիա
Հիալուրոնաթթվի վրա հիմնված բիոռեվիտալիզանտների ներարկման միջոցով անոգենիտալ գոտիում կարելի է վերացնել լորձաթաղանթի չորությունը, որը շատ հաճախ անհանգստություն և ցավային զգացողություններ է պատճառում ինտիմ մտերմության ժամանակ։
Ակնհայտ է, որ բժշկության այսպիսի համոզիչ հնարավորությունների դեպքում ամենաարդիական խնդիրներից մեկն է համարվում մատչելի, մանրամասն և հասկանալի տեղեկատվության պակասը։ Անհրաժեշտ է հոգ տանել այն մասին, որ կինը հնարավորություն ունենա ստանալու սպառիչ և իրազեկ տեղեկատվություն և տալու իրեն հուզող բոլոր հարցերը իր համար առավելագույնս հարմարավետ պայմաններում։
Ժամանակակից anti-age բժշկությունը շատ բան է արել, որպեսզի կանայք չնկատեն իրենց տարիքը և համապատասխանեն իրենց սեփական ինքնազգացողությանը, այլ ոչ թե անձնագրային տվյալներին։ Էսթետիկ բժշկության հնարավորությունները ինտիմ ոլորտում ներդաշնակորեն լրացնում են այդ աշխատանքը՝ օգնելով կանանց իրենց ցանկալի զգալ, իսկ դա նշանակում է՝ մնալ երիտասարդ։
Մ. Է. Շիշմանյան